keranjaimanok

Hari Pahlawan 2010

2010-07-31T10:23:00.006+08:00

Gambar Platoon 9 'C' COY 14BN, PPF, Semuja Camp, Serian

Selamat Hari Pahlawan 2010 kelebih agi ngagai semua apai bala kaban ti sama diau ba Semuja Kem, Serian suba. Enda ngira sida nya udah nadai tauka agi gayu guru gerai nyamai diatu. Pia mega ngagai semua bala kaban ti gawa ngintu pengelikun menua diatu.

Gambar Niang Aba, PC 43111 (umur baru manggai 16 tahun)

Nuju ngagai niang aba aku mega. Nuan mih kira bujang berani tauka hero ba pengidup kami sebilik taja udah masuk 2 taun ninggal kami semua.

Kami semampai ngenang pengering sereta pemerani nuan maya ngetan menua.

2 iti surat kemendar diterima niang aba

ngenang pemerani ngetan menua maya darurat

Taun tu, maya ngintu pengerami tauka bekenangka sida ke udah nadai maya ngetan menua nyau enda baka selama. Ngelama tu diintu ba Tugu Negara enggau atur iya kediri empu. Tang taun tu berupai endar berubah. Alai taun tu pan nyau mindah ngagai Dataran Merdeka lalu atur maya bekenang tauka ngintu Hari Pahlawan sekali tu kira lain mimit. Taja pia, ngarap semua kelebih agi bala nembiak rebak baru sama bela berunding, beterima kasih sereta bepedaka penusah bala ti gawa ngintu pengelikun ngetan menua maya tusah suba.

From LA to Nanga Changkol

2010-03-02T11:55:00.010+08:00

Naka mih pengelama enda ngeranjai ba blog. Singin deka ngarang tang nadai ga endur. Mayuh amai ga utai ti deka ditusi tang mimit endar ga awak. Tang, saritu ulih ga ngelimpang diri, tajapan diatu ngasai diri sigi balat amat sarat enggau pengawa sereta runding.

Bisi pulai ke menua empai lama mansa jalai ari Lubok Antu ke Nanga Changkol ti udah tembu. Nyadi ditu mantai sekeda sukut jalai, sebedau sereta udah iya tembu digaga.

Sebedau tembu suba, mina ditabur batu aja

Maya baru digaga parit

Diatu udah tembu. Tu ba senentang udah Bukit Melaban

Senentang udah Jematan San

Sebedau tu, simpang Bulo & Changkol

Udah tembu. Sema deka nemuai ke Bulo pan jampat.

Pemanjai jalai LA-Changkol nyau deka datai 13km. Jalai udah Nanga San nya jalai ngagai Merakai kin.

Nanga Changkol

Maya benung digaga suba, tak berupai amai dipeda simpang ke Engkelili enda jauh ari Nanga Changkol, ti dipadu sama bela deka ditembu. Maya pulai mansa simpang tu, enda berupai agi gamal simpang nya ba mua ke kiba jalai. Engka nganti dudi agi baru deka nembu nya kini. Taja pia, arap jampat agi mih tembu ngichaka maya pulai ari Kuching enda tentu lawit nuju ke simpang Lubok Antu sema jalai Bukong-Changkol nya udah tembu ila.

Serantau jalai bekenang penusah suba maya pulai mansang ke Lubok Antu, kelebih agi maya gawa guru sandaran ba SMKLA. Bekenang niang apai sereta indai suba maya udah pinchin lalu diau ba rumah panjai. Naka mih penyamai sema jalai nya sigi udah jaga digaga pemanah nya ari suba menya.

DIAU SEKEJAP

2009-07-08T08:02:00.023+08:00

Deka Ngetu Enda Lama.....
"Diau Sekejap"

Gempuru Ngiling Tikai WAIfm

2009-07-06T09:32:00.018+08:00

Malam ari lima tu tadi kena 3 Julai 2009 sempat ngenataika diri enggau pengerami Gempuru Ngiling Tikai ti diatur WAIfm/radiokitai.com. Lebat amai ujan malam nya, laun lalu enda sempat enggau bala masu kaki. Baju pan nyau basah ketegal enda mai tanggi, alai endur parking pan jauh.

Bisi ngambi gambar ngena handphone tang enda tentu berapa endar ga sema deka dibantai ditu. Nyadi gambar ke diayan ditu dipinjau ari gambar ke dikirum kaban Jay sereta Kumang Menyarung. Terima kasih ngagai seduai.

Meri besai tahniah ngagai penganjur laban udah ngatur program nya enggau mujur lalu besai terima kasih mega ngagai bala ke sponsor.... hihihi... Minta ampun ngagai bala sema kena indik kaki maya betanda poco-poco.

HEY me

2009-06-24T08:56:00.014+08:00

Enda nemu tetiba begiga lagu Madonna. Tu ketegal baru tetemu kaban lama ba Facebook. Suba ukai main agi iya minat Madonna tu. Nuju ngagai nuan mih tu kaban. Kena mulaika pengingat...

"Hey You" - Madonna

Hey You

Don't you give up

It's not so bad

There's still a chance for us

Hey You

Just be yourself

Don't be so shy

There's reasons why it's hard

Keep it together

You'll make it alright

Our celebration is going on tonight

Poets and Prophets would envy what we do

This could be good

Hey You

Open your heart

It's not so strange

You got to change this time

Hey You

Remember this

None of its real

Including the way you feel

Keep it together

We'll make it alright

Our celebration is going on tonight

Poets and Prophets will envy what we do

This could be good

Hey You

Save your soul little sister

Save your soul little brother

Hey You

Save yourself

Don't rely on anyone else

First love yourself, then you can

Love someone else

If you can change someone else

Then you have saved someone else

But you must

First love yourself, then you can

Love someone else

If you can change someone else

Then you have saved someone else

But you must first

Hey You

There on the fence

You've got a choice

One day it will make sense

Hey You

First love yourself

Or if you can't

Try to love someone else

Keep it together

We'll make it alright

Our celebration is going on tonight

Poets and Prophets will envy what we do

This could be good

Hey You

First love yourself, then you can

Love someone else

If you can change someone else

Then you have saved someone else

But you must

First love yourself, then you can

Love someone else

If you can change someone else

Then you have saved someone else

But you must first.

LAGU-LAGU IBAN : Ritma Gawai Kaamatan

2009-06-09T17:30:00.018+08:00

Enda sempat meda program Ritma Gawai Kaamatan ti diayan ba TV2, 30 Mei kena ari 6 sebedau Gawai Dayak tu tadi. Nyadi ditu sempat upload mina sekeda lagu aja kelebih agi lagu-lagu bekena leka jaku Iban. Lagu bukai ari Nelson Kenedy sereta Falicia Gek enggau lagu-lagu artis Sabah.

Assapai... enda ingat masuk dalam ending credit. Terima kasih Cyril Kayam & Yahya Saring. Anang nganu au.

"SELAMAT GAWAI DAYAK"

Selamat Ari Gawai

Ngagai Kitai Semua

Ngajihka Gayu Guru

Nguan Menua

Ari Tu Ari Mulia
Nandaka Kitai Bisi Bansa
Dikelala Semua
Dalam Menua Malaysia
 
Disambut Kitai Semua 
Enggau Ati Ti Gaga
Sengki Laya Ti Lama 
Badu Meh Ngira Agi
Kitai Bungah Bebuti 
Begagai Bela Sama
Besampi Ngagai Petara 
Minta Kaya Bulih Reta Tengkira
 
Ari Tu Kitai Rami
Semua Rumah Dibuka
Ngelaluka Semua Datai
Enda Milih Raban Bansa

Aram Ngabang Bebala
Betabi Jari Semua
Begulai Enggau Ati Gaga
Selamat Gawai Dayak
 

Penulis Lirik: Dana Daling
Komposer: Dana Daling
Vokal: Rosiana Urai
Susunan Muzik : Yazid Ismail





width="400" height="300" bgcolor="#FFFFFF"
flashvars="flvurl=http://v7.nonxt6.googlevideo.com/videoplayback?id%3Dd5dda9e66e8ee3aa%26itag%3D5%26app%3Dblogger%26ip%3D0.0.0.0%26ipbits%3D0%26expire%3D1330076184%26sparams%3Did,itag,ip,ipbits,expire%26signature%3DE4BF98DF96796027A6FF60B060629222E87567.498801580F5FE5C99B56A8B0E8A84E892E07C90F%26key%3Dck1&iurl=http://video.google.com/ThumbnailServer2?app%3Dblogger%26contentid%3Dd5dda9e66e8ee3aa%26offsetms%3D5000%26itag%3Dw160%26sigh%3DNE0LIhVA78rIqTP16ojbm0idzOw&autoplay=0&ps=blogger"
allowFullScreen="true" />

"IDUP BERAMBUN AI MATA"

Ninting Lemai Aku Sebana

Idup Enggau Ai Mata

Enda Kala Aku Asai Tu

Idup Enda Kala Menuku

Mimit Enda Aku Nyangka

Nuan Sulu Mungkir Danji

Enda Ga Berasai Lama

Tua Sulu Udah Idup Sekunsi

Nama Agi Pengaga Dalam Ati

Idup Diau Di Dunya

Ninting Ari Aku Sebana

Berambun Enggau Ai Mata

Aku Sigi Enggai Sekali

Bekunsika Pinggai Siti

Nyamai Agi Ku Nyurut Diri

Ngiga Jalai Kediri

Penulis Lirik : Viviana

Pencipta Lagu : Rosiana Urai

Vokal : Nor

“JEANNE... DALAM MIMPIKU”

Terubah Tua Betemu
Nuan Tuchum Ketawa
Meri Penawar Rindu

Tajam Perening Mata
Lalu Nurun Ke Ati
Meri Bekau Ke Tuchi

Nuan Meh Dara
Nuan Meh Indu
Dalam Mimpiku

Oh Jeanne
Nuan Meh Indu
Ti Ngerau Dalam Mimpiku

Oh Jeanne
Nuan Meh Dara
Ti Ngachau Dalam Pengidupku

Oh Jeanne Oh Oh
Dalam Mimpiku

Jeanne Oh Jeanne... Ohh
Dalam Mimpiku

Penulis Lirik : Ernesto Kalum
Pencipta Lagu : Ernesto Kalum
Vokal : Ernesto & Robb Sempurai

Melah Pinang ba Merakai Panjai

2009-06-08T13:45:00.020+08:00

Maya pulai kemisi Gawai Dayak tu tadi sempat enggau ngambi indu ke Merakai Panjai. Mupuk dalam urung 3 lemai, ngena 3 iti Hilux lalu nengah jalai ari simpang Nanga San, Lubok Antu. Naka mih pemayuh bala enggau, sampai siti Hilux bisi lebih 22 iku orang nepan.

Jalai pan umbas iya mega. Udah mansa pos ba sempadan senentang Kantuk Assam, nya mih lalu berentak agi pejalai. Sekeda alai tepasa nurun ari kerita laban enda berani nengah nya.

Mansa mega mayuh rumah panjai. Kantuk Asam, Kantuk Bunut, Merakai Pandak.... Tiap rumah panjai ti dipansa maya nya chukup lengkap dipeda, siap enggau sekula sereta gerija. Datai ba Merakai Panjai dalam pukul 5.30 lemai. Enti jalai manah, pelaba aku sigi enda nya manga datai 2 setengah jam pejalai.

Datai ba Merakai Panjai sempat betemu enggai bala menyadi sereta kaban belayan dia. Nyau betusut mih bala sebedau bekelala enggau pangan diri. Assapai... maya palau tak nyamai amai ga ngingatka nama bala mensia. Diatu lalu enda ingat... hihihi...

Maya dilalu bala sida rumah panjai ba penatai, sigi udah majak palau pala, bebasu kaki enggau ai pengayu. Assapai.... Bisi mega acara kira ke baka 'ice-breaking' mih nya. Maya disadung ai ngirup lemai nya, agi mayuh laluh enda diirup. Nyadi semua nya dituang ngagai bisin mit. Udahnya dibagi bisin nya tadi nitih bagi laki enggau bagi indu. Lalu betanding mih sapa dulu nembu nya.

Nyau puas berandau bala sida ba bilik, puas mega bala ba luar nganti, mua pan nyau majak tebal dibai ngirup. Nya mih kebuah enda mayuh ngambi gambar pengantin. Assapai.... pahai dianu petunggal legi. Taja pia, ditu mina ulih mantaika 3 iti aja gambar seduai melaki bini.

Selamat Melah Pinang Anthony seduai A. Lilis. Ngajihka Panjai Kaul Seduai Begulai, Enda Nemu Padam Api Pengerindu, Lalu Beteresak Mih Sampai ke Anak Uchu enggau Ichit.

Niang Aba

2009-06-05T16:30:00.005+08:00

[white & red roses]

Aba,

Aku agi ingat maya aku agi mit,

Nuan selalu ngema kami seduai Jang,

Tiap kali nuan pulai gawa, pulai ari patrol,

Berebut kami duai Jang minta disagu nuan Aba,

Enda ngira pengelelak,

Siku-siku kami seduai dilambung nuan Aba.

Aba,

Aku agi ingat maya sekula,

Aba selalu narit enggau ngurut kaki aku,

Ngichaka jampat tinggi sereta laju,

Amat maya belumba, nadai orang ulih mintas,

Andal ati aku, semampai menang belama,

Enda teringat Aba sama bela nyaup.

Aba,

Nuan ngajar aku nibarka jala,

Nuan madahka aku bakani ngansah duku,

Ngapak kayu, ngumpan gintik,

Tang aku semampai enggai,

Laban juluk ati aku enda kia.

Taja pia Aba enda leju,

Mantaika penemu, ngunsi semua pengawa.

Aba,

Aku agi ingat maya Aba sakit,

Tajapan sakit, Aba enda ngetu ngerindang bala kami,

Bisi aja pengawa Aba, mai ati kami sama ketawa,

Taja pia, kami nemu pemedis nuan Aba.

Aba,

Aku agi ingat Aba,

Maya dipadahka Ma udah nadai,

.................................

Naka mih penyinu Aba ngenang,

Enda Aba nyangka Ma dulu agi nadai,

Taja pia, Aba ngajar bala kami,

Neruska pengidup.

Aba,

Aku agi ingat,

Saritu, taun nyin suba.

Maya tinduk ngalih ari aku dibai mimpi,

Meda Aba pulai ari patrol,

Belanda aku nuju Aba,

Tak agi mit mih aku ba dalam mimpinya,

Lalu disagu gaga, dilambung Aba.

Tedani aku, lalu ngabas peninduk Aba,

Meda Aba gali, enda agi enseput.

Aba,

Enda berasai Aba,

Nyau setaun Aba ninggalka kami.

Agi belala nyaga Aba,

Mai raun, mimpin bejalai.

Aku agi ingat,

Semua pengawa, pengelelak,

Semua pengeran ati, pemerindang,

Semua utai ti udah digaga nuan Aba,

Enda ngira pangkat, Enda ngira nama,

Semua nya sigi tuju nuan

Ngagai bala kami sebilik memagang.

Terima kasih Aba,

Terima kasih.

Aba meruan ba ati belama.

In Ever Loving Memory

LCPL (R) 43111 CHUNGGAT TABUT

Called To Be With The Lord

on June 5, 2008

GAWAI DAYAK 2009

2009-05-23T14:00:00.017+08:00

Meri Selamat Ngintu Ari Gawai Dayak

ngagai semua bala menyadi,

kaban-belayan sereta raban blogger.

Pia mega ngagai semua bala Dayak

ti sama ngerami ngintu

Ari Gawai Dayak ti deka datai.

Ngajihka Semua Kita

Gayu Guru Gerai Nyamai,

Lantang Senang Chelap Lindap Nguan Menua

Betuah Belimpah Diatu Sampai ke Belama Iya.

RITMA GAWAI KAAMATAN

2009-05-20T00:34:00.021+08:00

Kiruh nembu rakaman program "Ritma Gawai Kaamatan" tu tadi. Diatu benung kiruh editing. Disadang ka keluar ba TV2 lalu sekeda lagu bala artis Sarawak bisi diayan baru ba Kenyalang@Muzik Aktif. Ila update iya empu tarikh enggau waktu siaran.

update :

TV2 (30 Mei 2009, Saturday, jam 4:00pm),

Muzik Aktif (Channel 180 Astro kenaka 31 Mei 2009, Sunday jam 3:00pm).

Artis ti bisi enggau; Urai "Selamat Gawai Dayak", Nor "Idup Berambun Ai Mata", Ernesto "Jeanne...Dalam Mimpiku", Falicia Gek "Selamat Gawai Dayak" enggau Nelson Kenedy "Sina'a". Artis Sabah, kumpulan Da' Prinz (kala enggau Gangstarz) enggau Hara Hanara (finalis maya Worldstars Road to Hollywood)

Sempat mega neman bala sida ari Sabah, ngeranjai ba VA enda lama. Malas bala sida maya mai ngeranjai ba Shenanigan's enggau Razz Ma Tazz suba.

Selamat Gawai Dayak,

Gayu Guru Gerai Nyamai.

Kotobian Tadau Tagazo Do Kaamatan,

Kumaa Dikoyu Toinsanan.

POCO POCO [Pub in da HOUSE]

2009-05-11T14:45:00.009+08:00

Bendar meda sereta ngemata step sida tu betanda poco-poco. Diatu agi mih kekaju singkang. Mar amai nya ba aku. Semampai chawit enggau lawit kaki jamah nya. Malar enggai nyadi. Meda sida tu, tak baka nyamai amai nikalka step nya baru pama udah salah singkang.

Aku engka engkejuk aja mih nemu. Enti enda, ngeranjai tikai aja mih ila ni maya bisi dikangau orang betanda ngansarka kaki.... ah haiiii... enggai aku. Serinda aku, serinda. Asuh belagu suba maya ba rumah panjai, nyau diketawa bala mayuh tudah diri laban semina macha leka lagu.

ampun ya pak... usah dimarahin sama gue

karena paparin tarian kalian semua. bagus bangat lhor.

bujangcmanggang, Gabe, Jay & ijau lelayang

SELAMAT ARI INDAI

2009-05-07T10:23:00.010+08:00

[rosa chinensis]

Ma,

Enda berasai Ma

Saritu nyau genap 2 taun

Ma ninggalka kami sebilik.

Ma,

Berasai puang amai tu Ma

Kelebih agi Ma nadai suba

Beserimbai maya orang deka ngerami Ari Indai

Ma,

Taun tu, pagila orang ngintu Ari Indai,

Naka mih penyinu ati tu ngenang

Laban nuan Ma

Nadai ba sepiak

Naka mih pengelengau tu Ma

Agi belala begulai enggau nuan Ma

Ninga nyawa nuan ngangau nama

Ninga jaku ajar, jaku randau nuan

Negu jari, mimbing tangan nuan

Duduk beserimbai enggau nuan

Bejalai raun besepiak enggau nuan

Makai utai sumai nuan

Ngirup kupi disedia nuan

Meda tuchum nuan

Ngerindang ati nuan

Ma,

Kami sebilik semampai ngenang nuan Ma

Taja nuan enda begulai enggau kami agi

Taja nuan enda dipeda depan mata kami agi

Ma,

Terima kasih ngagai nuan Ma

Laban udah ngemesai, nyekula sereta nyaga

Bala kami sebilik nyadi orang ti menyana

Ma,

Terima kasih ngagai nuan Ma,

Laban ngelama tu, tusah tauka senang,

Nuan semampai ngemata,

ngerindang sereta ngelantang

Sepemanjai udah begulai

Terima kasih Ma

Selamat Ari Indai nuju ngagai nuan Ma

In Ever Loving Memory

JINAM LANSAM

Called To Be With The Lord

on May 7, 2007

MULAIKA PENGINGAT II : SEKULA

2009-05-07T08:00:00.002+08:00

SRB St. Teresa, SERIAN

Darjah 3A (1981)

Sekula primary ba SRB St. Teresa, Serian ari taun 1979-1984. Darjah 1A-6A. Gambar diambi maya benung dalam Darjah 3A (1981). Ingat maya nya, Guru Darjah, Cikgu Dennis Michael lalu Guru Besar, Mr. Albert Bong. Maya primary suba sigi nadai tentu belajar. Tiap kali maya peresa, nadai kala ulangkaji. Tak nganjung diri peresa aja mih nya. Paling manah lumur 5 bulih.

Maya Penilaian Darjah 5 suba pan memain aja. Mina bulih 3B 2C. Sempat nyadi Pengawas maya Darjah 5 lalu nyadi Ketua Darjah maya Darjah 6. Kala kena rutan cikgu ketegal belanda begagai ba koridor pulai ari library. Belumba kenu. Wakil sekula lumba 100m enggau 4X100m. Maya nya nadai orang ulih mintas. Selalu lumur 1.

Mayuh kenangan ba sekula tu, teringat maya banjir bisi ular ka tama sekula. Chapuh bala mensia. Bisi mega kes misteri ninga bunyi sabak ba jamban lama. Cikgu Dennis maya nya. Iya empu pan ngerembai bulu pegu kenu ku iya, enda berani. Nya aja mih gambar kenang aku ba primary. Nadai gambar bukai.

SMK Serian

Tingkatan 1B (1985)

Nyambung lower secondary, ba SMK Serian ari taun 1985-87. Tingkatan 1B-3B. Nyadi Ketua Tingkatan maya nya. Guru Tingkatan, Puan Juliana Tan @ Zurina Tan Abdullah. Cikgu favourite aku nya.

Tingkatan 2B (1986)

Puan Zurina kekal nyadi Guru Tingkatan maya tingkatan 2 lalu aku pan mintin nyadi Ketua Tingkatan. Teringat maya assembly, malar aja kelas kami menang kelas paling beresi. 2 taun bejurut malar niki pentas maya perhimpunan ngambi hadiah. Nama utai ka ulih? gula batu. Bagi sama rata mih enggau semua.

Tingkatan 3B (1987)

Maya Tingkatan 3B, Guru Tingkatan, Cikgu Fairuz. Enda teringat nama penuh cikgu. Tingkatan 3 minta enda agi nyadi Ketua Tingkatan. Nasit Cikgu Fairuz s'porting. Taun nya Benedict nyadi Ketua Tingkatan. Ulih mih aku fokus agi enggau study.

Sepemanjai dalam tingkat menengah rendah tu, sekali aja bulih lumur 1. Malar lumur 2 tauka 3, 4. Alah jamah bala indu aja : sida Judith Paul, Bina Dharan, enggau Caroline Philip. Favourite subjek, Matematik. Teringat maya Cikgu Rabuni ngajar Matematik, ngasuh semua berdiri. Sapa ulih nyaut tau duduk. Datai ba aku mesti nanya soalan paling tusah.

Subjek BM enggau Lukisan pan minat. Teringat karangan "Aku Sebatang Kapur" nyadi karangan chunto suba. Kala nyadi wakil dalam pertandingan melukis mega. Kini mih penunga bala sida tu diatu nih. Mina siku dua aja udah betemu.

Kolej Datu Patinggi Abang Haji Abdillah

Tingkatan 4 Sains 1 (1988)

Dipilih nyambung pelajar ba Kolej Datu Patinggi Abang Haji Abdillah, Kuching. Masuk Tingkatan 4-5 Sains 1. Maya tingkatan 4, guru tingkatan sapa nih. Enda ingat. Nadai ba gambar laban enti enda salah ingat aku iya benung cuti bersalin? Terubah iya mih masuk sekula asrama. Terubah iya mega nerima surat ari secret admirer. Assapai....

Tingkatan 5 Sains 1 (1989)

Maya Five Science One (FISCONE) bisi pertandingan jingle ngaga iklan bermesej. FISCONE menang. Bala nyau baka separ mindah nyambung pelajar sida. Aku maya SPM kena demam denggi berdarah. Orang study malam, aku gegetar enda ulih belajar. Maya exam pan mina nganjung diri. Enda tesaut mayuh kertas peresa. Udahlah maya subjek sains.

Pulai ari abis SPM 2 minggu ba rumah aja laban tabin. Udahnya dianjung niang Aba ke klinik bayar. Terus masuk sepital besai Serian. Kritikal. 10 hari kena tan ba sepital Serian. Enti laun tama, sigi udah niang mih aku maya nya.

Tingkatan 6 Rendah Sastera 2 (1990)

Nyambung Tingkatan 6 ba Kolej DPAH Abdillah baru. Tang nukar aliran sastera. Suba minat amai deka nyadi lutur. Enda nemu lapa nukar. Nitih kaban kini. Tang enda nesal laban sigi minat enggau sastera tu. Selalu top 5 bala group discussion kami. Helen Albert Ala, Monica Joti, Salmiah Hassan, Norraha Abdul Rahim enggau aku.

Tingkatan 6 Atas Sastera 2 (1991)

Upper Six... penudi sekali besekula. Assapai... kini penunga bala sida tu nih. Mina suah bepansa enggau sekeda bala aja (Leo Dennis & Libau Unjah). Mayuh amai kenangan maya besekula suba. Meda gambar aja lalu berintai mih cherita ti enda alah ditusi.

KETERUBAH GAWA

2009-05-01T19:25:00.014+08:00

2 Mei 1996 kira keterubah iya mih aku gawa. Keterubah iya nerima gelar nyadi pekerja.

Teringat maya nya baru aja ambis peresa ba USM lalu nerima surat tawaran ari Cinematic Sdn. Bhd. 1 Mei angkat ari Pulau Pinang ke Kuala Lumpur. Datai nyau jauh malam. Diau serumah enggau kawan sama gawa dia, kawan ari Melaka, Tano Kemalak. Ngenang malam nya sida Tano Kemalak agi shooting outstation, lalu tepaksa mih nganti sida ba opis laban bedau bulih kunchi rumah ari Tano Kemalak.

2 Mei kunun deka ngelapur diri enggau boss, Mr. H ba opis tetumu pagi tang assapai, maya kawan aku mupuk nurun kerja shooting baru pagi nya, enda teringat mega ka ninggal kunci ngagai aku. Nya kebuah terubah kerja sarinya, aku tepasa ngena tangga lipat, nurun ari balkoni atas rumah betingkat 2 sereta minta saup sida ari opis mai tangga (opis enda jauh ari rumah). Udah mih naka pengegap iya mih keterubah ka ngelapur diri. Nyau peluh tusur jamah nya.

Malam tadi, ngenang diri enda gawa saritu ketegal Ari Pekerja, lalu nitih mih bala kawan keluar laban udah bendar meeting ba Sabah. Ngagai Shenanigan's, Hyatt. Udah tembu ba Shen dia lalu terus dibai nyambung ngagai Razz Ma Tazz.

Assapai. Udahlah flight aku jam 9 pagi. Pukul 5 baru pulai ke hotel. Sempat tinduk 2 jam aja. Naka mih pengelelak. Datai ba Kuching, nyambung tinduk sampai jam 5 lemai. Tepeda gambar ba handphone ti diambi maya nya, berupai amai diri shenanigan enggau razzmatazz. Mua palau lembau ka ngayan, semadi rindu ati ngenang. Thanx R'eez, Rudee, Tysha n Lady M.

Selamat Ari Pekerja

EARTH DAY

2009-04-22T12:34:00.011+08:00

Saritu serata menua sama sereta ngintu Earth Day kena mulaika pengadang ati bala mayuh senentang endur pendiau menua ti majak enda dikebuan enggau memanah.

Maya pulai ke menua empai lama, bisi enggau mandi ba alai pendaie kami dia, Batang Lupar. Nya mih tepeda berupai amai ai diatu enda beresi baka suba, kelebih agi nyema banding enggau maya agi mit suba. Suba maya nyelam, ulih peda bala kaban bukai benung nyemerai ba dalam ai.

Diatu keruh lalu kekadang bepansa enggau kerubung pelastik enggau kacha. Nyau kelalu amai, mayuh pelastik, enda ngira pelastik kerupuk, gula batu enggau pelastik sampah. Ba rumah panjai sigi bisi palan alai endur muai sampah tang sema sida ba ulu bebuaika sampah ke dalam ai, nya mih kebuah bala ba ili ti kena. Sebedau kena tekat ba Batang Ai dia suba pan, nang pemadu iya mih pemeresi ai alai endur mandi nya.

Maya meli perengka dapur ba pasar Lubok Antu empai lama, sempat mega bepansa enggau siku laki mai ladung panjai kena iya nepu perengka ti dibeli iya. Manah amat nya, enda ibuh bekena pelastik tauka paper bag. Tau tunda bakanya ba mengeri nih. Ka mai ladung mit, kena nepu perangka utai ti dibeli ba supermarket.

Teringat mega kaban Penemuruai bisi mantaika bakani ulih nyendia rachun indu utai digaga kediri empu [link] lalu enda ibuh bekena rachun kimia ti dudi ari tau ngerusak pemanah tanah sereta pengerai tubuh. Ka mih nguji ila.

Mayuh agi utai ti ulih diseliah kitai dalam kitai ngintu pengawa sehari-hari ti sama mega ulih nyaup ngemulai, ngibun sereta ngintu pendiau menua. Selamat Ngintu Ari Dunya.

6 TAUN

2009-04-15T11:27:00.008+08:00

15 April kira baru genap masuk ke-6 taun udah gawa enggau Kementerian Penerangan tu. Diatu nyau betukar nyadi Kementerian Penerangan, Komunikasi dan Kebudayaan. Menteri pan ari suba berapa kali udah betukar. Logo, rancangan, konsep, pengisian, fokus, pendekatan enggau sasaran pan berubah-ubah.

6 taun. Enti nembiak sigi udah ka masuk primary 1 nya taun depan. Benung nganti nama perubahan ti ka dikenatai menteri baru tu ila. Mesti bisi aja utai ka ditukar, diperbaharui, diperkenalkan, ditambah, dikurangkan, diagihkan, digandakan sereta dibiarkan.

Ngenang diri mih tu. Semampai baka anak tiri betukar apai indai. Betukar orang ka ngibun, diri tu semampai dianaktirikan. Kitai ka balat agi asuh besapu, sida kebukai ti mayuh agi disagu. Baka colour bar nya mih iya. Mayuh ragam churak, mayuh bansa warna, mayuh maya deka ngena. Tang iya mina bisi sigi aja munyi tone. Maya gawa enggau swasta suba colour bar tu mih diperati sereta diintu enggau memanah sebedau ngatur production laban deka meri kualiti standard agi. Tang diatu, ngena waveform pan enda. Lembau nusi laban dipeda baka baru 6 taun.

BERAU BARU

2009-04-15T09:13:00.008+08:00

Pulai ke menua (TR Jarop, Nanga Changkol, Lubok Antu) enda lama ujung minggu tu tadi semadi kemisi panjai maya Good Friday enggau Easter Sunday. Sempat manchak gambar jalai ti dipansa senentang Batu Bebini sereta sebedau simpang masuk ke Nanga Changkol.

Ni nemu bisi mali dalam setaun dua tu. Selalu maya sebedau Gawai Dayak bisi aja ditabur batu baru ngichaka nyamai agi bala mayuh ti pulai ari mengeri ulih nengah jalai nya.

Senentang setiap jematan ari Lubok Antu sampai San aja sigi udah lama udah dipelakin. Suba agi ingat maya mansa jematan nya laban mina ngena jematan besi (bailey bridge) aja. Bekau jalai dikena balak maya nya suba.

Sempat nyembi padi baru kena setuk sebulan dua sebedau pulai baru maya kemisi Gawai Dayak bulan 6 tu ila. Nyembi padi bajong begulai enggau sambah. Suba maya gawa ba KL bendar bala kaban laut mesan berau sambah laban nyamai amai digagaka nyadi asi lemak.

Bala sida ibu, ini, ika nyaup magang nyembi. Ngena 4 iti perampan maya nyembi, tang mina 2 guni padi bansa bajong enggau sambah aja iya ka dijembi.

Nasit mega mua ari manah maya nyembi nya. Bendar amai ujan ngelama tu. Udah nyau kira tuai padi dijembi, nya baru ujan mupuk beterubuh mansutka leka. Bendar beguai muat padi, nyau belanda bala sida ibu, sida ika pan nyaup. Lemai nya lalu terus nginjin padi. Mayuh mega bala enggau nginjin sekali. Ini pan enggau nginjin kena dibai iya ke Kuching.

Rindu ninga nyetat injin padi tu. Suba maya bisi nginang itit, sigi diulih sekaunya kena ngulai asi itit. Rindu meda bala itit ensirut nyedut sekau begulai enggau asi itit nya.

Enda berasai ari pama udah ba menua. Pulai ke Kuching ari satu tu kemari. Ini iya ka ngena baju belang ba gambar nya enggau sekali mih, laban deka ngabas anak sereta uchu iya ba Siburan enda lama.

Assapai, minta ampun ngagai bala raban ka mesan ijuk laban nadai bulih ijuk tu. Nadai nanduk ijuk bala ba rumah panjai maya nya. Nyau bendar agi ngelaban langkau. Enti ka langkau, ila mai... :P

Πάσχα

2009-04-09T17:47:00.007+08:00

Kemisi panjai ujung minggu tu. Nuju bala raban Kristian, selamat bepuasa pagila maya Good Friday lalu sama ngerami sereta bela ngenang Easter Day.

"Those controlled by the sinful nature cannot please God. You, however, are controlled not by the sinful nature but by the Spirit, if the Spirit of God lives in you. And if anyone does not have the Spirit of Christ, he does not belong to Christ. But if Christ is in you, your body is dead because of sin, yet your spirit is alive because of righteousness. And if the Spirit of him who raised Christ from the dead is living in you, he who raised Christ from the dead will also give life to your mortal bodies through his Spirit, who lives in you".

Romans 6 : 8-11

LUI CHA

2009-04-08T13:23:00.010+08:00

Kemari sempat keluar enda lama dibai Regina Ho seduai Alice Wee makai lui cha ba Green Road dia, berimbai simpang Jalai Intan enggau Jalai Tengah. Kira keterubah iya mih nya, nguji makai lui cha tu. Taja pia, lui cha nya sigi antara pemakai ti umbas iya mega tebilang ba Kuching ditu kelebih agi ba bala sida ti ari raban bansa Hakka tu.

Enti sema keterubah iya makai, sigi amai tekenyit mih enggau asai iya. Tusah ka nerang baka ni asai lui cha tu. Betul-betul organik, nyau ngasai diri nyadi baka vegetarian aja maya makai nya.

Tang favourite aku iya empu sup gadung nya. Berasai kekelat tabar baka makai teh herba tang maya begulai enggau bala sayur enggau kachang tanah sereta perengka bukai ti digulai dia, tau berasai manis.

Tajapan enda teleba makai tu, mayuh utai ti gadung sereta disedia mata lalu nyau tak bechampur mih asai; ni ti kelat, manis, tabar, tang pelaba aku sigi manah mih enti diempa selalu. Tau mulaika pengerai sereta pemanah ngagai tubuh.

Nadai nyual ai irup ba alai dia. Mina bisi nyendia siti ai ti dikumbai sida Sup 5 Rasa. Agi belala, taja enda kala ensepi terubah iya. Ila ngejung kia baru, mai bala raban bukai....

Enggau ruang sereta peluang tu mega deka meri TAHNIAH ngagai Malcolm Mussen Lamoh laban udah menang enggau majoriti 1,854 undi maya bepilih ba sitak parlimen N29 Batang Ai dia, kena 7 April 2009 tu tadi.

RENTAP

2009-04-07T09:45:00.007+08:00

Bepansa enggau James Ritchie maya iya ke opis empai lama lalu nanya pasal bub "Rentap : Warrior, Legend and Enigma". Terima kasih James enggau bub nya, siap personally autographed ulih James Ritchie sekali.

Baru dikeluar taun 2009 tu, "Rentap : Warrior, Legend and Enigma" (ISBN 978-983-41894-1-9) dikarang ulih James Ritchie sereta dilalau Dato Sri Edmund Langgu Saga lalu ngerintai enggau silik sebagi gerempung jalai pengidup Rentap sereta rintai pengawa iya ngelaban enggau ngetan menua. Dijual enggau rega RM50, bub tu kira baka siti travelogue ulih pengarang tu, ti mai past, present enggau future perjuangan bansa Iban ti bepun sereta dibai ulih semangat juang Rentap tu.

Sempat mega tetemu ka siti da agi bub pasal Rentap tu tang berbentuk novel, "Libau Rentap Rimba", ti dikarang Harry Usup Umbar lalu dikeluarka Dewan Bahasa dan Pustaka dalam taun 2008 (ISBN 978-983-62-9780-8). Dijual enggau rega RM19.00 lalu ulih dibeli ba sebarang palan alai nyual bub. Dikategorikan sebagai historical fiction, "Libau Rentap Rimba" tu sama mega ngerintai jalai pengidup sereta semangat juang "Agi Idup Agi Ngelaban" ti dikenataika ulih Rentap tu lalu dikarang ulih Harry enggau penuh nengkebang sereta matak ati.

Diambi ba belakang bub novel tu :

GENDERANG perang

bukan sekadar pada ayunan ilang

atau letusan mesiu senapang.

Sesungguhnya

ketangkasan akal kesatria

mampu menggugah keampuhan selaksa askar.

Keutuhan kubu pertahanan di Bukit Sadok

membuktikan karisma kepimpinan Libau Rentap,

pahlawan terbilang Iban

semasa pemerintahan keluarga Brooke.

Libau Rentap mengungkapkan falsafah perjuangannya

bahawa khianat, dendam, cemburu dan

tamak merupakan sikap manusia yang terkutuk.

Nyata kemenangan sebenar sebuah pertarungan

berpaksi pada ketulusan semangat juang yang tegar.

Selamat Bepilih ngagai semua bala raban ba Batang Ai dia.

RADIOKITAI.com

2009-04-02T14:45:00.009+08:00

Saritu keluar ngaga shooting ke alai palan radiokitai.com ba Tabuan Jaya dia lalu terus interview enggau iya empu Administrator, VyNNe.

Bendar interview kelebih agi touch-up VyNNe. Udu amai tudah iya bepeluh. Udahlah angat tudah kena lampu maya benung shooting. Taja pia, shooting bejalai lanchar. Terima kasih enggau kerjasama VyNNe.

Udah abis ngaga interview, ngambi gambar alai tempat VyNNe ngintu tauka ngemata radiokitai.com tu. Nyangka ngelama tu diatur ba opis. Paduhal ba rumah aja. Ngulihka nyamai agi ngemata kenu ku VyNNe.

Minta ampun, nyau telebih masa kena tadi... hihihi.. Nyau bala kami aja nembu pengawa, laban Vynne ka nganjung anak sekula dulu. Assapai, enti sabotaj tadi, kada ulih ngeranjai sambil ninga Iban Online Radio (IORfm) bala raban saritu ba radiokitai.com

**ish... tekenyit meda ukui sida VyNNe. Besai tinggi. Ka nangkap gambar pan enda berani.

Sebedau nyadi raban radiokitai.com, terubah iya sigi udah lama nyadi raban ba WAIfm.com. Maya nya Tuai Laman WAIfm.com dipegai Temenggung. Kenaka 25 Januari 2007, akaun ba WAIfm.com aku dipadahka Tuai Laman "now been activated" lalu bisi enggau ngeranjai ba ruai, muka siti randau madahka pasal SGH benung begigaka darah gerup "O". Maya bala kami derma darah ba SGH sarinya mega, tekenyit bala sida ba sepital meda laban enda nyangka tau datai mayuh bakanya.

Udahnya lama enda ngeranjai lalu enda nemu WAIfm.com tu udah diketuka ketegal dipangka "gelumbang tsunami".

7 Januari 2008, ngerijista diri nyadi bala raban radiokitai.com. Nguji sengapa laban enda nemu palan WAIfm.com nya udah diketuka lalu ditukar nama nyadi radiokitai.com (ketegal WAIfm.com tu tadi udah besaum enggau palan IbanOnlineRadio.com tauka IORfm kenaka 5 Julai 2007). Maya nya bisi kala tama ba radiokitai.com tu tang mina ngemata ari tisi, kira nyadi temuai aja mih. Nangkirka diri 7/1/2008 mina bedau bisi asai ka berandau ba ruai.

Nyadi ari ti keterubah iya berandau enggau bala ba ruai kenaka 20 Februari 2008. Maya nya jam nyau ka pukul 4 lemai, lalu tama ba ruai topik "SUNYI". Maya nya ingat aku, ba Kuching benung bangat amat ujan, chelap amai, nadai tentu mayuh pengawa ba opis. Semadi deka ngapuska ari, nya mih lalu ngeranjai, bekelala enggau sekeda bala raban.

"Test.... Test..." ko keranjaimanok.

"nama utai k amai nya ko seduai.... pd seduai kaki manuksss nyin.. Engka d.... " ko LadyQueen83

"benung nguji ngeranjai tu....." saut tudah keranjaimanok.

"Selamat Lemai sulu lama (youth) & KeranjaiManok. KM, nama utaika ditest nuan." ko msscymexx

"..tis aja meh diak kehanjai manuksss..kahanjai aja meh.." ko Gia Depa

"..ambis tengahlaman kitai di keranjai manuk legi....aku setik manuk nama iya ngeranjai buah lada k d jemi aku dia.." ko Wan Rie

Berengkah ari sarinya mih lalu meruan berandau, begulai sejalai enggau bala raban radiokitai.com nyentuk ke diatu, lalu udah bekelala enggau mayuh bala raban enda ngira berapa umur, laki tauka indu, dini alai sida iya diau, tauka dini alai sida tu ngeranjai, nama pengawa enggau nama status sida iya.

sekeda ari avatar ti udah dikena maya berandau enggau bala raban.

Benung makai lemai enggau bala raban radiokitai.com ari Kuching ba Hornbill Seafood Restaurant kenaka 14 November 2008.

(Endu Selatu @ Indai Monty, Endu_BunsuNgingit @ Panda, tini_am79 @ mummy, indaibulan, John Gilbert Adam @ Apairosa, Jay, Dara_NgantaQ, bujangcmanggang)

1 APRIL

2009-04-01T10:23:00.019+08:00

Semadi deka ngenang saritu kena 1 April. Teringat April Fools' Day kelebih agi maya ba kolej suba. Mayuh ulah bala raban ngemeli sereta ngeduan pangan diri. Teringat bala kaban nundi, Pengetua deka betemu enggau nuan ketegal bisi masalah disiplin. Assapai... kesal mega ati tajapan nadai ngaga penyalah maya nya. Enda teringat sarinya April Fool tajapan udah tepeda rintai tanchut dalam semua ti diau ba asrama digantung penuh ba koridor asrama.

Saritu mega 63 taun RTM. Taun tu kira Tranformasi Era Digital : Kegemilangan 63 Tahun RTM. Enda lama agi kira bisi nambah mih mayuh agi channel ba RTM Digital. Diatu pan nyau udah kiruh begiga videoklip bala artis Dayak ti deka diayanka ba channel Muzik Aktif.

15 April tu ila baru kira genap masuk 6 taun gawa sama enggau RTM tu. Mayuh agi pengawa ba Sarawak ditu, kelebih agi pengawa bansa kitai Iban deka diayanka ba TV tu ila. Ngarapka mujur sereta nadai penanggul mih...

DERMA DARAH

2009-03-29T17:47:00.012+08:00

Bejalai ba Hock Lee Centre tadi lalu tepansa ka orang benung derma darah ba dia. Lama udah enda derma darah tu, enti enda salah ingat penudi sekali maya bulan 3 taun nyin suba.

Lalu ngerejistaka diri, laban enda mai kad penderma. Ngelama tu sigi dibai ba dalam kerita, nyau puas ngiga lalu enda temu alai. Ngisi pom dulu mih. Mayuh utai ditanya : demalam umbas tinduk? Meda AF7 enggau Project Runway sereta enggau segulai nitih madamka api ketegal 60 Earth Hour... ba rumah aja mih. Bisi ngirup?....rrrrr... nadai....

Terubah sekali diperesa sida darah dulu, tekanan darah 120/80 lalu darah grup A+. Maya nuchuk jarum udah temu alai, tang darah enggai ga pansut. Terubah iya ba lengan kiba, udahnya mindah ke lengan kanan. Ba lengan kanan nyau dua iti bekau tuchuk jarum laban iya keterubah pan darah enggai pansut.

Enda baka keterubah iya derma darah suuuuuba. Baru dituchuk aja nyau ngenyit menuh pek darah. Paduhal bisi blok iya empu perengka. Udah diganti, nya baru ka pansut. Assapai... enda lama udah nya, meragam agi. Nemu ngetu ga, taja pan bedau tentu penuh. Bendar ngadu alai endur nuchuk lalu diasuh ngenggam kuat agi.

Udah tembu derma darah, diberi sida ngirup sereta makai refreshment mimit. Diberi sida kad nyadi tanda udah derma darah sarinya lalu diberi mega siti beg (bisi diengkah sida ruti sebungkus enggau siti pek tusu).

Bebekau tangan kiba enggau kanan. Deka maut steering kerita, pan berasai tetengut. Naka-naka mih berasai lelak udah derma nya tadi. Enda kala berasai baka nya ngelama tu. Engka sigi nyau lanjut usia mih tu kini.

Teringat randau enggau orang ba dia maya benung derma darah. Betanya mih tudah kaban nya, dini alai penatai lalu madahka diri orang Lubok Antu. Uiiiihhhh... enda enggau orang nurun ngundi nuan ila, kenu ku tudah kaban. Hehehe....tetuchum aja enda nyaut. Sapa diundi nuan?... hehehe... enggai nyadi ga nyaut ba mua mayuh. Anang ngundi tuuttt nuan, ngundi tuuttt tau, sambung tudah kaban nya. Hehehe... tetuchum diau aja tudah aku. Udah rejista nuan?... errrrr... hehehe....ketawa.

Engka udah digelam semengat tudah kaban nya tadi ketegal enda nyaut lalu nya kebuah darah aku nyau meragam enda tentu deka pansut. Engka ketegal enda ngirup demalam mega kini. Tauka darah benung enggai ninga randau pasal bepilih maya nya....

DEEPER conversation

2009-03-24T22:23:00.011+08:00

Is your favourite colour blue?

Do you always tell the truth?

Do you believe in outer space?

And now I'm learning you

Is your skin as tanned as mine?

Does your hair flow sideways?

Did someone take a portion of your heart?

And now I'm learning you

And if you don't mind

Can you tell me

All your hopes and fears

and everything that you believe in

Would you make a difference in the world

I'd love for you to take me to a deeper conversation

Only you can make me

I've let my guard down for you

And in time you will too

And if you don't mind

Can you tell me

All your hopes and fears

and everything that you believe in

Would you make a difference in the world

I'd love for you to take me to a deeper conversation

Only you can make me

And if you don't mind

Can you tell me

All your hopes and fears

and everything that you believe in

Would you make a difference in the world

I'd love for you to take me to a deeper conversation

Only you can make me

Deeper Conversation

with me

Benung belala ninga lagu "Dan Sebenarnya" ulih siku penanyi baru, Yuna. Bulan nyin kemari, kaban sama opis, Hiffi enda nemu ngetu mutarka lagunya ba opis lalu diatu nyau lekat ba untak tu. Mayuh agi lagu iya ka bukai [link] ti ulih didinga.

Hmmmmmm.... kati enda gaya enti sema bisi penanyi Iban tauka lagu Iban digaga setail bakatu. Enda semesti iya digaga acoustic enggau sape. Baka Norah Jones, tajapan apai iya Ravi Shankar nya pemain sitar tang konsep lagu ka dibantai iya, ngena konsep pop akustik sereta dibai enggau gaya jazz/soul lalu ngena piano nyadi instrumen dikena iya.

Ngarapka lagu-lagu Iban mega, tajapan enda lari ari iya empu tradisi ketegal pasaran enggau permintaan, tau mega meri mayuh agi variety ngulihka iya semampai relevan, lalu narit mega sida rebak baru kemaya ari tu. Taja pia, semampai minat sereta rindu ninga lagu-lagu Iban..... :)

MAKAI MAKAI MAKAI

2009-03-22T19:24:00.010+08:00

Sememinggu tu, bisi keluar enggau bala ti sama alai gawa (Hiffi, Jacqueline, Noelle & Regina : ba Grandma Klang Bak Kut Teh & NK Food Network) sereta sekeda bala raban radiokitai.com (Jay, endu_bunsungingit & endu selatu : ba bing! coffee). Menu favourite minggu tu, Ayam Ginseng ba NK Food Network, Bormill Estate, Batu 3 dia. Terima kasih Hiffi laban udah introduced alai nya. Minat mega enggau tiramisu latte, oreo cheese cake enggau lasagna ba bing! coffee senentang Premier 101, Jln. Tun Jugah.

Lemai kemari bisi manggang enggau seduai Jay sereta bujangcmanggang. Bendar amai, nyau 2 round nambah asi berau baru bai Jay. Belauk panggang sereta sup istimewa ulih Jay, sambal segera tapi mai ati mawa digaga bujangcmanggang kena ngulam asam buah raba, tubu, sereta dabai. Bendar ngerekak rimau bai seduai nih. Enda sempat manchak gambar.

Enda ngawa, MU kalah jamah Fulham, 2-0 lalu Arsenal menang ngelaban Newcastle, 3-1. Enda sempat manchak gambar peminat MU yang kecewa.... taja pia, sambal gaga iya nyamai amai.... hihihi... Libapul menang ngelaban Asetanbila 5-0... nya baru iya.

TAG (KAMBUT/LUMPIT)

2009-03-18T12:34:00.005+08:00

Baru udah makai ba Grandma Klang Bah Kut Teh tumu pagi tu tadi, enda jauh ari pasar Petanak dia. Nyau tetumu pagi udah makai asi, baka ka nurun ke umai. Lalu teringat mih diri tu udah di tagged ulih bujangcmanggang lalu ditagih ulih MuMui... grrrr....

I'm not sure whether I can pull this off but, kira seputing enggau kaban mih... huhuhu... bisi sentimental value mimit.

STEP 1 : Snap pictures of both the outer and inner side of your purse.

Kira semampai ngembul tebal mih nya, enda sebaka enggau bujangcmanggang ti nganti ujung bulan baru tebal (hihihi.... anang ringat bujang. Nundi aja), udahlah iya nya baru udah alah maya betuie MU vs Libapul tu tadi...

Step 2 : Introduce the purse brand and where you bought it.

Lumpit tu iya ka bendar, niang Apai aku empu. Dibeli aku ba Serian, kira beberapa bulan sebedau niang nadai. Lumpit jenama ADIDAS, enda pasti chulin tauka enda, rega maya melinya suba enti enda salah ingat, RM80 aja laban niang Apai ngelara nama mih meli mar amai. Taja pia, puji niang manah amai lumpit nya laban bisi zip ba dalam enggau luar kena niang nyimpan duit besai enggau duit pechah. Lumpit nya meruan disimpan lalu dikena aku endur aku ngingatka niang Apai... huhuhu... mata dah bergenang dah... ish.. ish...

Step 3 : Take out all the content of your purse and display.

Nyadi nya mih kira isi ti bisi ba lumpit aku tu.... bisi tingki, lisin deriba aku enggau lisin driba niang Apai, kad klinik niang Apai, kad Health Care Great Eastern, BonusLink, Enrich, ATM Maybank sereta Kad Kredit. Pama ngayanka lisin deriba niang Apai sereta meda kad kelinik niang, gerenti sebak....

Bisi cash RM1 (10), RM5 (2), RM10 (6), RM50 (6), syiling 20 enggau 10 sereta siti duit Brazil (enda nemu berapa nilai nya). Duit dikeluarka ujung minggu tu tadi, kena meli scanner tang bebayar ngena kad aja maya nya. hmmmmmmm.... makai pagi tadi, orang melanja.

Step 4 : Tag 7 people.

Sapa nih...

1. IndaiMONTY

2. IndaiSILA

3. Akituai

4. AbsoLurve:epi

5. penemuruai

6. Ini Manang

7. Jay@JamainAmbang

tambahan :

8. rynne

9. panda4ever

10. SeNayaU aKU

11. Uchu Keling

12. Nadai Nama Nama

13. RW Fine Art

14. ooo-hAa

assapai... tamahak amai. Tak semua ka macha tu sekali nih kena tagged. Pama macha, seputing nih member. bantai aja.

SISTEM JAKU IBAN DI SEKULA

2009-03-17T12:34:00.012+08:00

2 minggu nyin suba, empai lama maya deka nurun ngirup pagi, sama bela nurun bekena lift segulai enggau Francis Mancha, ari Tingkat 4, siku pegawai ari Sektor Pengurusan Akademik, Jabatan Pelajaran Negeri Sarawak ti ngintu bidang Bahasa Iban dia.

Tepeda Francis mai siti bub, "Sistem Jaku Iban di Sekula" tu, lalu minta siti salinan. Diberi mega sekeda bub sereta bahan rujukan ti bukai ("Dara Tambun Puji" ti dikarang ulih Thomas Bangit, "Ngajar Enggau Belajar Pengelandik Berunding dalam Mata Pelajar Bahasa Iban : Taun 6", "Jaku Kelaung" ulih Bahagian Teknologi Pendidikan Negeri Sarawak; sereta "Leka Main Iban" ti ditusun Edward Untie).

Minggu nyin suba mega maya ngaga shooting ba Pegari Iban Production, bisi nerima Majalah Pegari (Vol. 1-29) nadai Vol 2, 3, 4, 6, 10, 11, 15 & 16, Senawah (Vol. 1-10), "Latihan Intensif PMR Bahasa Iban Tingkatan 3", "Gempung Jerita Tuai Bansa Iban" ti dikarang Nalong Buda seduai Johnny Chuat,"Pegari Di Malam Kudi" dikarang Dana Daling; sereta "The Broken Shield : The Birth of Dayakism" ti dikarang Joseph Tawie.

Mupuk belelubah mih tu, deka belabuh macha semua bub sereta majalah tu. Enda nemu ni bagi ka dibacha dulu. Engka macha tu dulu kini. Ari suba deka meli lalu enda tebulihka nya. Selalu meda ba blog aja.

PUANG

2009-03-16T17:24:00.008+08:00

Puang,

Puang amai asai,

Asai nadai orang enggau begulai,

Asai bisi orang tang nadai enggau berimbai,

Asai bisi berimbai tang semua nguing ke bukai.

Benung mayuh utai nyadi ba alai nya dia,

Benung manah baka baru entepa,

Tang enda ulih enggau meda,

Enda mega ulih enggau kia, taja ati nyau engkuda,

Ketegal kelalu bendar, nyau karam, baru deka betimba.

Kediri,

Kediri aja mih aku ditu,

Duduk dedugau meda utai ba luar,

Mansa laju tang enda ulih mega aku ngetu,

Ketegal kaki udah nyingkang keluar,

Ketegal utai ti dituju lalu empai ditemu.

Puang,

Puang amai mih asai,

Asai udah ditinggal enda agi diserungkai,

Asai enda diintu, nadai agi orang datai,

Asai deka pulai tang nadai mega jalai.

Assapai,

enda tentu nyamai asai isi tu ditu.

Off saritu enggau pagila. Enda gawa.

Lelak amai isi, bai gawa enda nemu ngetu,

taja ati rindu amai ngintu pengawa.

Mayuh amai utai deka ditembu,

deka dipeguai.

Bah, enti bakatu,

nadai mih ku enggau.

Assapai,

bala menyadi nyau mindah memagang benung kiruh.

Apai indai sigi lama udah nadai,

nadai agi mih sida enggau ditu deka ngemata.

Bala kaban bisi mega mansa,

tang enda nemu sida serabana ati tu,

pemerinsa tubuh tu...

hihihi....

Sigi berasai amai puang,

enti maya enda dapat,

tabin lalu ta nadai orang ngemata,

nadai orang berimbai.

Tapau makai ngalih ari ba NK Food Network, ba Bormill Estate, Batu 3 dia. Bisi utai diidam dia. Ngulihka nyamai agi asai tubuh.... brrrrr...

Tapau mega char kuey teow laban tetiba ngining deka makai nya... hihihi... nya rynne empu pasal mih nya, ngepun ngerandau pasal Pulau Pinang. Lalu mengidam kawan... maya tabin bakatu, mesti layan aja mih selera.

14

2009-03-14T23:23:00.012+08:00

semadi deka ngenang saritu

14 March 2009

MU 1-4 Liverpool

Idup Libapul

"Yul Niba Wuk Elun"

semalam ba MIRI

2009-03-14T19:45:00.005+08:00

Ba Miri kira semalam aja laban deka shooting ba ANP Music Production Sdn. Bhd. bisi ngaga interview enda lama enggau Andrewson Ngalai betanya pasal Industri Muzik Dayak kena diayanka ba dokumentari "Aok..Bah!"

ANP Music Production Sdn. Bhd. tu kira baru 10 taun udah ditubuh belabuh ari taun 1998, lalu nyentuk ke diatu udah ngeluarka lebih ari 80 buah album sereta bisi lebih ari 10 iku artis rakaman.

Terubah iya belagu tauka nyadi artis rakaman dalam umur 18 taun enggau lagu ti keterubah iya "Udah Laun Tua Betemu", Andrewson Ngalai dikelala antara artis tebilang ti dikeluarka ari TBC, siti kompeni rakaman ba Sibu dia berengkah ari taun 1988-1998 sebedau muka kompeni rakaman kediri empu.

Taun 2008 tu tadi meda Andrewson Ngalai tebulihka Anugerah "Most Successful Dayak Male Singer" maya Anugerah Muzik Dayak 2008 (DaMA 2008) ti di atur ulih sida DCCI.

Udah ngaga interview, bala kami nyambung shooting cut-aways dikena insert dalam interview nya sereta ngambi gambar-gambar ba opis enggau rakaman ba studio. Nyau ngalih ari baru tembu lalu berumban mega laban deka terus mupuk ke Sibu.

Sebedau mupuk, mai bala krew ngetu enda lama merarau, matahka lengan ba waterfront dia laban deka makai asi lelapan. Sida ke bukai mesan ayam penyet, aku nguji lelapan tongkol.

Agi belala makai. Ila enti ke Miri kia baru sigi nuju kia mih tu laban umbas iya ga. Mina belachan tauka sambal iya kira enda telabanka sambal nasi ayam penyet ba Kafe Bunda, Kuching.

Mupuk ke Sibu ngetu enda lama ba Bintulu, tetemuka siti alai makai enda jauh ari Park City Mall dia, nguji Roti Tiga Rasa. Roti Bakar ti dibalut enggau ruti canai sereta diengkah cheese, mayonnaise, telu guring sereta kaya enggau marjerin. Udahnya mesan ai teh c peng special.... lelak sereta ngantuk lalu enda mih berasai jamahnya.

Ka nguji nyumai tu enti bisi endur.... Taja pia, semalam ba Miri mai mayuh kenangan. Terima Kasih bala sida ba ANP Music Production kelebih agi Andrewson Ngalai seduai Johnny Aman, pia mega aya JAG, siku ari raban radiokitai.com laban bendar mai raun ba Miri dia. Agi belala ngeranjai dia. Tang beguai deka mupuk baru ke Sibu.

PEGARI IBAN PRODUCTION

2009-03-13T22:23:00.021+08:00

11 March, Wednesday..... ngaga shooting enggau sida Pegari Iban Production, bisi udah besemaya deka interview Tuai Besai PIP, Johnny Chuat kena diayanka ba pakej ari Sarawak dalam rancangan Hujung Minggu Malaysia sereta dokumentari..

Laun mimit bala kami datai, laban ujan lebat tumu pagi nya meri penanggul mimit bala krew ngangkut perengka kena shooting. Taja pia, maya datai ba PIP tekenyit meda semua udah besedia deka shooting kelebih agi Tuai Besai PIP ti benung rabat maya nya. Ngenataika penyinu ati ngagai Tuai Besai PIP sereta sida sebilik ketegal bisi bala aya sida iya udah nadai ba menua sida di Nanga Kesit, Lemanak din.

Set-up lampu enggau kamera, nyendiaka diri ngaga interview enggau Johnny Chuat. Bendar betukar penuduk ketegal begiga angle ti sesuai. Ari taun 2007 nyin suba deka ngemansutka pengawa sida PIP tu ba TV tang malar aja nadai endur. Meda diri bulih sengkaum baru enggau ngaga program Selamat Pagi Malaysia dalam taun 2009 tu, nyadi lalu bekena peluang tu mih.

Minta bala sida belakun mimit tauka mock-up sebarang rutin tauka pengawa ti digaga bala sida ba PIP dia. Selain Tuai Besai, datai mega maya nya Ujih Stia (Editor/Pengarang), Dora Beti (Sekretari/Artis Grafik), Sedau Panting (Tuai Akaun) sereta siku anembiak praktikal ari Politeknik Mukah, Samuel Albert.

Tuai Besai PIP seduai Sedau benung milih cover Pegari Vol 30

Dora seduai Samuel benung edit sereta ngaga lay-out

Ujih benung edit karang ka dianjung bala pemacha

Selain ngeluarka Pegari, sida PIP ngeluarka majalah hiburan Senawah

Bulih siti copy Gempung Jerita Tuai Bansa Iban.

Novel bekena jaku Iban ti keterubah iya dikeluarka PIP

Semua rakaman bejalai enggau lanchar laban semua utai ka dipadah ulih Tuai Besai kira chukup terang. Tembu shooting nyau kira udah ngalih ari. Kira beguai mega bala kami krew laban deka terus mupuk ke Miri. Meri besai terima kasih mih ngagai sida PIP laban nyaup nembu shooting nya enggau lanchar sereta nyendiaka semua bahan ti dikena bala kami dalam post-production nya ila.

Enda teringat amai deka nanya Tuai Besai PIP, nama perkembangan terkini Kamus Iban-Iban ti disadang deka dikeluarka sida iya dalam taun 2009 tu.

11 March, Wednesday.... Ngantuk amai sari nya laban bendar meda Champions League, tim Liverpool ngasak Real Madrid, 4-0. Semangat... besemangat amai jamah nya. Menang enggau aggregat 5-0. Enda sabar nganti Libapul betemu enggau Mencista baru, kenaka 14 March tu, pagila mih nya. Sarinya (13 September 2008) maya sida betemu ba Anfield, Liverpool menang begaya 2-1, siap enggau tim Mencista tu ngaga gul kediri. Assapai... ngarapka kemenangan bergaya berulang sekali lagi...

Stibin Jerat namaka 2 gul mantu Libapul menang 4-0 ngelaban Rialmederit

11 March, Wednesday.... Tumu pagi ari tiga nya mega bisi nerima SMS ari menyadi ka biak sekali, Jang, madah bini iya udah ngadaka anak laki, 3.2kg dalam pukul 12:45 a.m. Madah ngagai Jang, aku pan diadaka dalam jam 12:45 tang maya ngalih ari (p.m.). Kemari Jang nusika diri bisi meli tikit maya draw sarinya tang pansut ba Magnum 2451. Assapai..... dahlah 1st prize.... sayau enda ngepow.

Datai ba Miri lemai sarinya, mai bala krew ngetu ngirup ba Ming Cafe. Pekena tosai paper. Lama enda makai tosai. Udahnya check-in sebedau keluar enggau aya JAG (raban radiokitai.com, John Adam Gilbert) seduai bini iya sereta mega Temenggung enggau indai tuai iya.

Udah makai, lemai nya dibai aya JAG raun sekitar bandaraya Miri dia. Sempat mega ngirup ba rumah aya JAG sesambil meda video enda lama, ngirup baru... sebedau supper pekena nasi lemak special. Fuiyo.... boleh tahan amai. Enda ingat penama alai pemakai nya. Selera-something-something... Enda berasai abis, tajapan sigi udah kenyang.

Nyau tengah malam baru datai ba bilik. Ka ngabas sereta update blog pan nyau enda larat amai.

13 March, Friday..... Mata tu diatu pan nyau palur. Lelak amai tajapan mina nepan kerita ari Sibu-Kuching sepanjai ari tu tadi. Mupuk jam 0900 ari Sibu, datai ba Kuching jam 1800. Sempat ngetu ba Sarikei, Layar, enggau Sri Aman.

Baru aja datai ba Kuching, terus dibai enggau bala sida akak aku sebilik dinner ba batu 11 dia. Sempat betemu 2 iku kawan lama, Anding Nyuak seduai Flora Intai ba dia. Assapai... lama enda betemu enggau seduai iya tu. Enda nyangka seduai nyau udah bulih 2 iku anak bujang.....

BINTULUfm

2009-03-10T18:53:00.010+08:00

Shooting ba BINTULUfm saharitu. Sempat manchak gambar studio alai sida mancharka BINTULUfm bekenaka gelumbang 97.5mhz. Sebedau belabuh gawa, mai bala krew ngirup enda lama. Enda alah terlanjur terlebih bersemangat manchak gambar lagi, lalu tersasar waktu rehat makai ngalih ari.... hihihi...

Shooting ba luar sekitar bangunan lama BDA ba Jalai Sommerville dia, sereta ba depan pintu masuk BINTULUfm enggau tempat bala sida teknikal (MCR) sebedau shooting ba dalam studio BINTULUfm. Jam ba studio baru 11.47am. Enda lama agi baru bagi Iban belabuh. Semadi nganti, set-up kamera enggau lighting dulu.

Bagi Iban mina 3 jam aja belabuh ari jam 12 ngalih ari sampaika pukul 3 lemai. Maya benung nganti DJ MCL duty ngalih ari nya, sempat mega meda DJ Zilla ari SIBUfm benung gawa.

BINTULUfm mina beroperasi dalam 10 jam aja, belabuh ari jam 9 pagi nyentukka 7 lemai. Ngarapka ulih didinga ba internet secara online mih.

Bulan 3 tu giliran DJ MCL (SIBUfm) seduai DJ Jenny (WAIfm) duty ba BINTULUfm tu ketegal bedau bulih DJ tetap ba alai dia. Ni tuju DJ Jenny nya tadi. Kitai deka manchak gambar iya, lalu ngelarika diri enda bepadah. Ngular ya?!!!.. grrrrr.... pahai temu boss lagi. Nadai iya macha blog aku, anang irau.

Maya benung on-air terubah ukai main nervous tudah DJ MCL tu, enda ngadang diri deka diambi gambar ulih sida TV. Taja pia, udah angat injin ukai main agi nuan nih. DJ MCL lalu mali nyadi ManChaL. Siap ngeranjai bala krew TV. Sempat nujuka lagu ngagai raban radiokitai.com ari Bintulu kelebih agi indai SILA (msscymexx) seduai unggal Maxel. Enda sempat nulis nama bala sida masz cvank, encabuh2, antu buyuk, ucurentap, gia depa, kelabaiFC etc. Minta ampun enti enda tesebut nama auk?...

Assapai.... Enda sempat minta lumur talipaun nuan DJ MCL. Enti enda, ka mega mai ngirup lemai ba Bintulu dia. Sayau enda serambau. Keluar lemainya udah tembu shooting, sempat betemu enggau kazen Maxel. Naka penyigat nuan unggal, gentleman amai nuan. Terima kasih ngagai nuan kazen laban sudi melanja makai ba Pizza Hut enda jauh ari Park City Mall dia. Enti nemu nuan deka melanja, besai agi pizza order aku tadi... wakaka... Anang jera begulai enggau keranjaimanok unggal.

IndaiSILA mina talipaun aja, madahka diri enda ulih datai. masz cvank, enda sempat aku betemu enggau nuan wai. Seluar Valentine's Day enda mih ulih diberi. Taja pia, badu ngayanka diri enda beseluar nuan ba ruai auk masz... hihihi... Jilis meda penyigat nuan unggal Maxel, enggai alah aku lalu nganjung diri begunting enda lama ba Park City Mall. Bisi mega ninggalka bekau ba Bintulu ditu. Kena kempat kelalu pandak, nyau ka sebaka enggau buk bujangcmanggang ga penyadi iya..... ish...

KOMPIA SIBU

2009-03-09T17:47:00.014+08:00

Ba Sibu enda lama, kira semalam aja laban bisi ngaga shooting ba LUH Production Sdn. Bhd. interview enggau Jackson Dana, sebedau mupuk ke Bintulu.

Mupuk ari minggu jam 9.00 pagi ari Kuching lalu datai ba Sibu dalam jam nyau ka pukul 4 lemai. Ujan enda ngetu sepemanjai jalai ari Kuching sampai Sibu kia. Sempat meda 3 iti kerita iksiden senentang jalai Kuching-Serian sereta enda jauh ari Sebangkoi dia. Semadi nganti ujan ngetu, manchak gambar Gerbang Sibu enda lama.

Macham biasa mih tu, enti ke Sibu kia mesti enda ngelengka makai kompia tu. Enti bisi endur lama agi, ka mega ngambi gambar ari keterubah iya disedia sampai tembu mansau. Tang berumban amai, lalu nadai endur mih deka ngayanka chara sida nyendia kompia tu.

Kompia masin bisi ditabur bijan. Lalu kompia manis, berupai besai agi sema bandingka saiz iya enggau kompia masin. Enti meli kompia masin, RM1 bisi lima iti lalu kompia manis nya bisi 4 iti aja seringgit.

Kompia Masin

Kompia Manis

Sempat meli bekal kira umbas kena maya pejalai ari Sibu-Bintulu kia aja. Ila maya mulaika diri ke Kuching kia, tau mih meli mayuh agi. Mina meli ti asai masin enggau manis aja laban nya ti pemadu dikerindu. Bisi asai bukai kelebih agi bansa ka bisi puak nya. Tang rindu agi ensepi ti masin enggau manis tu.

Maya ba Sibu, enda sempat betemu enggau bujangcmanggang ketegal kaban benung tabin. Nadai entu pengerai. Cheettt!!!... orangka disadang nyadi tourist guide ngaga diri not available nih. Taja pia, lantang ati sempat betemu sereta betabi jari enggau Indaikanu tauka sarawaklady. Assapai, asaika enggai pulai jamah Indaikanu. Enda kekijap mata meda pemajik... hihihi.... pahai kena ipa Ah Seng, Sanjay, Wis enggau Jolly ba pasar Sibu tu ila...wakaka.

Sebedau mupuk ke Bintulu, sempat dibai Jackson Dana makai ba alai enda jauh ari opis sida iya dia. Dicadangkan makai mee jawa sumai laut dia, wahduh... pama iya ga. Enda berasai nyau lichin pinggai. Enda teringat manchak gambar iya.... hihihi... lapar beb. Terima kasih Jackson.....

LAMA ENDA PULAI

2009-03-05T12:34:00.005+08:00

Lama enda pulai ke Nanga Changkol, Lubok Antu. Lelengau asai ati, singin ga ka pulai tang malar aja bisi pengawa ujung minggu. Penudi sekali pulai pan bulan 12 tu tadi maya ngintu ari Krismas, nyemin kubur niang Aba lalu terus ngintu 100. Udah nya ngintu taun baru sekali ba rumah panjai, taja pia palau amai lalu enda sempat enggau bala berendam mandi ba Batang Lupar malam ngintu taun baru. Begiga gambar ba menua lalu tetemuka gambar maya benung pulai kin bulan 10 taun nyin suba. Ari jauh tepedaka jalai nyau bekedebu aja jamah dipansa balak maya benung ka niki senentang bukit ba Batu Bebini dia.

Naka pengelubah lori balak nya niki, nyau ka nuju da mimit balak ka panjai nya ba cheremin kerita. Don't drive and ngachitka camera...kenu ku cigu kami suba...hihihi... tang perasan ga pemesai sekeda balak nya, nyau mesai ulih dichekak pan bisi ga diambi sida iya tu. Nasit ga udah bisi kerita diatu. Suba nepan motorsikal pulai. Pama datai ba rumah panjai, berasai amai ngulihka tekang debu ti tama idung. Alah jamah kena kelita tinduk atas sadau maya agi mit suba. Bedau agi sema maya nepan lori suba, buk nyau tengkering baka udah ngechuk kaler gold. Mua pan nyau sama nitih tengkering, puas ngerising.

hihihi... nyau salah tekan gear... pahai injin, kati enda tau pass maya test kerita suba. Nya baru sentang ba Batu Bebini dia. Bedau agi sentang niki Bukit Melaban enda jauh ari Nanga Empit sereta SK Melaban. Dia bagas agi enda tetikika bukit laban malar aja salah gear kena. Tambah mega, ngena batu kerangan begala sereta tanah pan lemi. Ka pan enda mih, jalai dia sigi meruan bakanya belama. Bai iksiden maya nyadi guru sandaran suba kala mih maya mai motorsikal. Batu mina ditaburka aja ba jalai lalu enda dipirit. Nya kebuah maya tetujuka batu ti ditabur ba lubang, nyau melunggik motorsikal. Sempat ngaga 3 somersault penuh bergaya sebedau landing nyungkur batu. Bedau expert nuan mai motorsikal, kenu ku niang Aba.

Lori balak nya tama ba simpang ke Merakai, Indonesia kin. Enti enda salah balak ke diulihka sida iya nya, enda jauh ari Panjai Ruai dia. Aku macham biasa mih, terus ke Nanga Changkol. Berunding mega.... hmmmmmmm.... what to do. Nganti jalai ari Nanga Changkol rembus ke Engkilili tembu aja tu, ngulihka enda lawit tama simpang Lubok Antu mansa pasar. Nyamai agi enti jalai nya udah tembu manah, ulih nengah ari Engkilili terus ke Nanga Changkol aja. Enda mih tebasau jam enggau minyak enti udah nengah ari simpang Engkilili nya aja ila.

Nanga Changkol.... salam lelengau. Bulan 4 ila baru ulih pulai.

T U A K

2009-02-22T10:23:00.016+08:00

Sebedau tu kala nganjung post pasal MOONSHINE kitai Iban tauka dikelala agi enggau kangau Arak Langkau. Bida Ai Tuak (Rice Wine) tu enggau Arak Langkau mina iya enda dipanduk tang diperam tauka ditapai aja. Nyadi Ai Tuak tu kira sebansa enggau wine enggau beer semina wine tu bekena buah (anggur tauka ipul) lalu enda digulai enggau gula; beer tu bekena bijirin bukai baka gandum enggau barli tauka jagung lalu dikisar tenyuh (mash) sebedau digulai enggau yis.

Nyadi gambar Ai Tuak iya ka diayanka ditu kira bisi sentimental value mimit mih laban Ai Tuak tu kira ti penudi sekali digaga niang ma aku suba. Disimpan dalam butul BACARDI, kira bisi begulai mimit enggau laluh arak BACARDI nya mih. Enti enda salah aku, digaga niang ma aku suba maya kami deka ngintu ari Gawai taun 2006. Tu nyau 2009 nyadi udah ka 3 taun Ai Tuak nya disimpan.

Maya agi mit suba agi ingat enggau niang ma begagaka ai tuak tu. Udah berau pulut tu mansau, aku tu sigi nadai kereja bukai mih tu, nyadi tukang makai kerak asi pulut ti disumai, chal enggau gula. Enti tuak tu maya umbas iya pengelama udah disimpan begulai enggau chiping, kira nyau udah bebereni, pan kira enggau belama ensepi asi manis tu tadi.

Niang ma suba kala madahka chara ngaga ai tuak tu. Kira ingat lalat mih tu laban enda ditulis ba bup. Bala menyadi bukai pan nusi lebih kurang sama mega chara iya. Tang tu nitihka pemayuh ti ka digaga, enti mayuh agi berau kira lain agi ga sukat iya.

3 kg berau pulut

3 kg gula

1 kg chiping

ai ti udah dipanduk

Panduk baka biasa berau pulut tu. Udah mansau, engkahka ba chapan ngulihka chelap. Tutuk tenyuh chiping ti udah dijembi lalu taburka ba pulut ti udah chelap. Simpan ba dalam benda, tajau tauka tung pelastik. Kira udah seminggu, udah bebereni asi pulut enggau chiping tu tadi, tau ditanjahka ai gula tu. Pengelama iya disimpan begulai enggau ai gula tu tadi kira nitihka peneka mih. Lama agi nyimpan kira bisa agi asai ai tuak nya. Pantis lalu simpan dalam butul kaca. Asi manis nya tadi agi tau dibanchak tauka digulai agi enggau ai gula baru tang asai iya enda sebaka iya keterubah sekali diluai.

Bisi pantang larang ga ngaga ai tuak tu. Ka ngaga, kira belalai mih anang nusi ngagai orang lalu anang bebaika utai ti masam baka buah maram, buah asam dampih tauka sema enggau alai ngaga tauka alai nyimpan ai tuak tu. Utaika bebau kuat baka belachan pan enda tau. Enti ka ngelarika 'pantang' tu tadi, tau taburka chabi atas penutup alai benda tauka tutup tung pelastik alai ngaga tuak tu tadi.

Maya kami diau ba Serian suba, niang aba aku bisi ga kala ngulai siti kulit kayu ba dalam butul ai tuak kena nambahka pemisa ai tuak tu tadi. Enti udah lama disimpan, ai tuak nya tadi tau mali nyadi mirah. Kulit kayu nya dikenaka sida Bidayuh ba Serian ngulaika ai tebu sebedau dituang dalam pulut tu tadi tang ai tuak gaga sida iya enda digulai enggau chiping.

Bala raban ba ruai radiokitai.com pan bisi ngayanka mayuh bansa enggau chara begagaka TUAK enggau chiping tu. Interesting ga laban mayuh amai ga bansa tuak tu. Ari tuak buah tampui sampaika tuak berunai (nanas). Enti tuak iya ka digaga enda entu nyadi tauka masam, nguji champur enggau kapuk.

Maya shooting Gawai Teresang Mansau ba Nanga Banyau, Baleh taun 2006 suba pan sebedau ngintu gawai besai, sida bisi ngaga siti sesi ensepi ai tuak sekayu rumah. Bepun ari ujung setak pala tangga sampai ujung setak kin. Umbas iya ga palau jamah nya suba. Nasit ga mina 22 pintu. Maya nya mih bisi ensepi tuak ti umbas iya penyamai, bebereni baru dibanchak.

Nyadi ai tuak tu mayuh guna iya kelebih agi maya ngintu ari besai, ngintu penatai temuai, ngintu maya bisi adat miring tauka kena ngangatka isi aja. Maya ari Gawai pan kekadang bisi pekit ngiga tuak ti manah. Taja pia, mayuh agi rebak baru diatu baka rindu agi ngirup ai bisa ti bukai lalu ngelengkaka ai tuak tu.

TUSUN URUP JAKU IBAN

2009-02-20T10:23:00.012+08:00

Sebedau tu, kala nganjung post pasal "Pantun Bulan" ti dikarang niang Dunging Anak Gunggu tu. Nyadi, niang tu ukai mina tebilang enggau pantun bulan ti dikarang iya, tang dikelala mega laban udah bisi numbuhka tusun urup jaku Iban (Iban Alphabet).

Iban Alphabet

Nyadi tusun urup jaku Iban tu enti nitihka iya keterubah, bisi dalam 77 iti urup tauka characters ti nyemaka munyi leka jaku Iban suba tang udah dipantis tauka diubah baru ulih niang Dunging tu nyadi 59 iti urup aja, ketegal bisi ripit lalu kira bisi ngelui ba munyi nya tadi.

Suba bisi diayanka ba suratkhabar madahka siku lecturer ari UiTM Sarawak, Dr. Bromley Philip madahka benung ngemasuk tusun urup Iban tu dalam komputer (ASCII fonts) begulai enggau saup sida Linguist Software ari siti kompeni ti asal ari Amerika Syarikat tu.

Nyadi niang Dunging tu ti asal ari Nanga Ulai, Rimbas mega kira chukup tebilang enggau penemu lalu pengelandik iya numbuhka utai ti baru. Maya Sarawak tu dipegai Jepun suba, chukup mih pemerinsa maya nya. Dia niang Dunging tu lalu bisi begagaka kasut, seluar, baju ujan, sereta bekena getah rangkai kena nganti minyak gas.

Pelaba aku mayuh agi utai udah digaga sereta utai baru ti ditumbuhka niang Dunging Anak Gunggu tu. Arapka bala Iban rebak baru diatu tau nitih penemu sereta pengelandik niang tu numbuhka utai ti baru, utai ti mantai tauka bekena main asal kitai Iban sereta semampai ngangkat nama Iban ngulihka dipeda bansa bukai.