FIESTA GAWAI KAAMATAN 2008

Taun 2009 tu giliran RTM Kuching nyadi tuai rumah program Gawai Kaamatan tu. Nyadi producer iya baru, sama segulai enggau kaban producer suba ari RTM Kota Kinabalu, Aris Arapa.

Diatu agi benung nembuka keretas kereja projek Fiesta Gawai-Kaamatan. Berunding dini alai ka ngaga? Ba Borneo Highlands Resort, Sarawak Cultural Village tauka gaga aja ba Auditorium P. Ramlee? Mikir mega sapa bala artis tauka kumpulan ti deka dijemput? Konsep? Bajet? Penginapan? Pengacara? Skrip? Pemuzik? Pre-recording tauka LIVE? **Ngerekak rimau enda lama**.

update : Tajuk terubah deka ngaga Gawai Kaamatan Akustika tapi mayuh pemuzik (Ethnic Transmissions, Tuku Kame) enda ulih enggau maya tarikh cadangan. Ubah konsep semua lalu terbaru, bulih sida Urai, Nor, Ernesto, Nelson Kenedy enggau Falicia Gek. Tajuk rancangan terbaru, Ritma Gawai Kaamatan.

Nyadi tu sekeda ari gambar ti diambi taun nyin suba, maya ngintu Fiesta Kaamatan-Gawai 2008 ti digaga ba sekitar Kota Kinabalu, Sabah (Kinabalu Pine Resort / Monsopiad Cultural Village).

bala artis, pemuzik, penyelaras, production & technical crew

DJ Jeffrey Jack, Jennifer Jack, DJ Snah Ukong, Falicia Gek & Emil Hamlyn

Clarice John Matha & Anding Indrawani

Marsha Milan Londoh & Felix Agus

benung belagu "Jambatan Tamparuli"

bala sida Kombo RTM KK, Pemuzik ari KPSU & artis

bala sida pemuzik Bhg Kebudayaan KPSU

bala sida penari "Legenda Pahlawan Kulow"

Ngenang maya pengambaran nya suba, tiap kali bala kami deka start shooting ari lalu majak mupuk ujan mantaika mua ari. Nyadi ujan lebat tu kira mai penanggul mimit ketegal jadual penggambaran sigi padat. Betanyaka bala sida ba kampung sekitar nya, selalu jai ari enda ba alai nya, lalu sida madah nadai ga ujan tauka ari jai dalam sebebulan nya. Lalu nusi mih sida madahka engka semengat Kinabalu ti dipanchak kami maya nya enda lantang. Udah dipedara diintu semua utai, diatur bala sida krew ari RTM Kota Kinabalu, ta alit ati bala udah nya. Mua ari ta ngenyit manah, ujan temu ngetu. Kebetulan tauka amat ngasi, nyau kira misteri mih ba bala kami ti meda.

Maya benung shooting mega, pengacara benung bejaku pasal semengat Hominodun. Nyadi benung tersalah sebut mih pengacara tu tadi, lalu aku empu Assistant Producer (AP) ngelara sesambil bebuti nundi. Nyengala udah nya tetiba ribut kuat mansa nerebaika siti plywood pelantar alai kamera lalu mangka pala tudah AP aku nya tadi. Tu pan kira misteri amai ba bala kami semua dia. Di playback kami tape nya tadi sigi berupai amai ributnya tetiba datai maya AP nya ngelara lalu udahnya tetiba lenyau.

Ari siti, shooting ba Monsopiad Cultural Village, nya mih bala dipesan anang mayuh utai lara laban alai nya angat agi.

Manchak Gambar

Sekeda gambar ka diambi taun lepas maya shooting pasal dokumentari “Khazanah Bumi Kenyalang”. Shoot ba sekitar Muzium Wilayah Utara (Muzium Petroleum, Muzium Arkeologi Niah, Muzium Wilayah Baram enggau Muzium Wilayah Limbang).

Minjau kamera ari cameraman maya nya (diatu udah lantang makai duit pinchin tudah aya Richard DeRozario tu), enda ingat nama bansa kamera dikena tang enti enda salah aku ngena kamera Canon Digital IXUS 80 IS.

M u z i u m W i l a y a h L i m b a n g

M u z i u m W i l a y a h B a r a m

M u z i u m A r k e o l o g i N i a h

M u z i u m P e t r o l e o u m

Nganti udah bisi bajet lebih ila, ka ga meli kamera digital baru kena mantupka juluk ati tu. Bekikis bulu betis, bebuai bulu gundai mih jamah nya.

L A K S A S A R A W A K

Laksa Sarawak tu mih antara pemakai ti pemadu dikerindu tiap kali keluar makai enggau bala kaban. Nyadi mayuh Laksa Sarawak tu udah disepi lalu tu mih kira top 5 senarai alai pemakai ba Kuching bagi Laksa Sarawak laban asai iya sigi mantup ba aku (berasai pengumbas iya penyamai asai). Bida ia mina ari segi pengelikat kuah, pemedas, pemayuh spare parts (kelebih agi manuk & undang), daun iya ka dikena (daun saderi tauka daun ketumbar - mayuh madah enda tan enggau bau daun ketumbar tu) enggau mee ka dipanduk (enda kelalu kembai, enda kelalu keru) :

1. Tiang's Cafe, Bormill Estate
2. Madam Tang's Cafe, Jalai Petanak
3. Foody Goody, Tabuan Laru
4. Chong Choon's Cafe , Jalai Abell
5. Only Mee, Kuching International Airport

Taja pia, bisi ga alai bukai ti umbas iya penyamai Laksa Sarawak tu. Ba Golden Arch (Batu 3), iya empu Garden Laksa bekenaka undang, siap enggau pala sekali. Bendar ensirut untak undang nya sekali. Maya gawa ba KL suba, malar aja lepak ba Laksa Shack (kelebih agi ba Bangsar Village, Jalai Telawi 1 & ba The Mall seberai PWTC) ketegal enda kala ngelengka makai Laksa Sarawak tu.

Laksa Sarawak ba Tiang's Cafe, Bormill Estate (Batu 3, Kuching)

Laksa Sarawak ba Only Mee, Kuching International Airport.

Garden Laksa ba Golden Arch, Batu 3, Kuching.

Selain ari Laksa Sarawak, bisi sekeda agi pemakai ti dikerinduka aku, pun ka maya bisi bejalaika KL kin. Tempat pemakai ka selalu dituju Little Penang Kafe ba Mid Valley KL. Ia empu Penang Assam Laksa nang antara favourite aku mih selain Penang Char Kueh Teow, Chendol enggau Rojak Buah iya. Maya belajar ba USM, Penang suba nang ngudar nya belama kelebih agi Chendol ba Penang Road.

Penang Assam Laksa ba Little Penang Kafe, MidValley KL

Maya shooting ba Kelantan, Nasi Kerabu nyadi pilihan utama. Terubah iya ensepi Nasi Kerabu maya rumah terbuka ba Desasiswa Aman-Damai, USM disediaka bala kawan asal ari Kelantan, lalu jatuh cinta enggau pemakai tu. Asai kombinasi ulam kerabu tu enda sebaka arika ulam bukai (daun kesum enggau bunga kantan) ditambah agi enggau chechah budu.

Nasi Kerabu ba seberai Pasar Siti Khadijah, Kelantan

Ba Kuching ditu mega bisi agi alai ka selalu dituju bala kami sekaban ba opis : ba Jalai Bishopgate (famous enggau iya empu 'spare parts' Kolo Mee) enggau ba Chonglin Park, Jalai Tabuan (famous enggau iya empu Lam's Beef Noodles)

Mee Kolo Special (nadai spare parts) ba Jalai Bishopgate, Kuching


Set Combination Beef Noodles ba Lam's Place, Chonglin Park, Jalai Tabuan

Mayuh agi alai pemakai ti dikerindu, ti tebilang dalam kalangan bala penggemar masakan Sarawak (MyVillage Barok, J&J Cafeteria, Kaya & Toast, ChilliPeppers, First Family Cafe). Arapka ni maya bisi endur tau mih kitai gempuru makai dia.......

K E R A N J A I M A N O K

Ngeranjai Pagi Bulih Pagi,
Ngeranjai Lemai Bulih Lemai,
Ngarapka Sama Bela Ulih Bebagi,
Bekikis Bulu Betis, Bebuai Bulu Gundai.

Selamat Bekelala. Terima Kasih laban nemuai kitu ngagai langkau manuk aku ditu. Nadai utai ba langkau mina bekau karang keranjaimanok. Ngarap bala kita bela sama ninggalka bekau mega.